Otsailaren 2
Jaunaren Aurkezpena
Gorespenak
Goratzarrea
Goiz-argia,
hilik zeudenen / eguzkia:
itsuengana / etorria,
goza dezaten / argi berri / pizgarria.
Zatoz, / Jesus Jauna,
diren guztien / argia.
Heldu da; hona
Jaunaren eguna.
Ongi etorri,
Jaunak igorri
Salbatzaileari!
Jainko-Bildots,
berriz herrira / gidaria;
odola duzu, / isuria,
ardi galduei / emateko / Zuk bizia.
Zatoz, / Jesus Jauna,
ur bizi duen / artzaina.
Jesu Kristo,
Aitak Zuregan / du gozoa;
uretan sartuz / eta hilez,
eman diozu / gizonari / Bataioa.
Zatoz, / Jesus Jauna,
erreinurako / bidea.
Harkaitz berri,
ibai bizien, / iturria:
hor zaude bihotz-/ irekia,
ase dadien / fededunen / egarria.
Zatoz, / Jesus Jauna,
sekulako ur / bizia.
Suzko laino,
gauez argitzen / gaituzuna:
Kalbarioko / minen barna,
agertu duzu / gu nolaz joan / zeruraino.
Zatoz, / Jesus Jauna,
Jainko Aitaren / berdina.
Ezkon-berri,
gurutz-eztaien / hain egarri:
ura diguzu / ardo egin,
Jainko-semeen / sinistea / piztu dadin.
Zatoz, / Jesus Jauna,
zure lurraren / pizgarri.
Jainko-Seme,
Espirituak / argitua:
Zure mintzoa / da zabaldu,
eta piztu du / munduz-mundu / goiko sua.
Zatoz, / Jesus Jauna,
goiko aintzaren / betea.
1 Ant. Simeon, gizon zintzo eta jainko-zaleak, Israelen poza itxaroten eban, eta Espiritu Santua beragaz eban.
117 Salmoa
Eskerrak Jaunari, ona da-ta,
Haren maitasuna betikoa daeta.
Israel-etxeak hauxe esan bei:
«Haren maitasuna betikoa».
Aaron-etxeak hauxe esan bei:
«Haren maitasuna betikoa».
Esan beie Jaunaren bildur diranek:
«Haren maitasuna betikoa».
Deitu neuntsan larrialdian
Jaunari,
entzun eustan eta onez atara.
Jauna dot neugaz: ez deutsat bildurrik,
gizonak egin leikidanari.
Nigaz Jauna, niri lagun egiteko,
nik etsaiak lotsatuak ikusteko.
Hobe da Jaunagana batzea,
eta ez gizakiengan uste on izatea;
hobe da Jaunagana batzea,
eta ez handikiengan uste on izatea.
Atzerri-jende guztiek
inguratu ninduen:
Jaunaren izenean xehatu nebazan.
Alde guztitik jendeek inguratu ninduen:
Jaunaren izenean xehatu nebazan.
Erleek lez inguratu ninduen,
biztu ziran sua sasian lez:
Jaunaren izenean xehatu nebazan.
Gogor bultzatu ninduen
jausteko,
hantxe egoan Jauna niri laguntzeko.
Nire indar eta nire kemen Jauna,
Bera suertatu da nire salbazinoa.
Poz eta garaipen-oihuak
zintzoen txabolan:
«Jaunaren eskoiak bizkor jokatu dau,
Jaunaren eskoiak nau altxatu,
Jaunaren eskoiak bizkor dau jokatu».
Ez naz hilgo, bizi izan
baino,
Jaunaren eginak nik oihukatuko.
Zigortu nau Jaunak, zigortu,
baina ez nau heriotzaratu.
Edegi niri zintzotasunaren
ateak,
hortik sarturik emon deiodazan Jaunari eskerrak.
Hauxe da Jaunaren atea,
zintzoak sartuko dira aurrera.
Eskerrak Zuri, entzun
nozulako,
salbazino suertatu zaiatazalako.
Etxegileek baztertutako
harria,
berori suertatu da giltz-harria.
Jaunak egin dau hori,
gure begien harrigarri.
Hauxe da Jaunak egin dauan
eguna,
gu poztutzeko eta alaitzeko eguna.
Emon, Jauna, salbazinoa,
emon, Jauna, zoriona.
Bedeinkatua Jaunaren izenean
datorrena,
bedeinkatzen zaituegu Jaunaren etxean.
Jainkoa da Jauna,
guri argi egin deuskuna.
Antolatu eizue jente-lerroa
abar-hostoak eskuetan dabezala,
altarearen ertzetaraino doazala.
Zeu zara nire Jainko,
eskerrak emoten deutsudaz;
ene Jainko, goresten zaitut.
Eskerrak Jaunari, ona da-ta,
Haren maitasuna betikoa da-ta.
Aintza Aitari eta Semeari
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Simeon, gizon zintzo eta jainko-zaleak, Israelen poza itxaroten eban, eta Espiritu Santua beragaz eban.
2 Ant. Hartu eban Simeonek seina besoetan eta, eskerrak emonez, Jainkoa bedeinkatu eban.
Kantika: Dn 3, 52-57
Bedeinkatua Zu, Jauna, gure
arbasoen Jainkoa:
aintza ta gorespen Zuri gizaldietan.
Bedeinkatua zure izen santu
eta aintzagarria:
aintza ta gorespen Berari
gizaldietan.
Bedeinkatua Zu, jauretxe
santu eta aintzagarrian:
aintza ta gorespen Zuri gizaldietan.
Bedeinkatua Zu, zure
erreinuko aurkian:
aintza ta gorespen Zuri gizaldietan.
Bedeinkatua Zu,
kerubin-ganean jesarrita,
lezak ikusten dozuzana:
aintza ta gorespen Zuri gizaldietan.
Bedeinkatua Zu, zeru-sabaian:
aintza ta gorespen Zuri gizaldietan.
Jaunak egindako guztiak,
bedeinkatu eizue Jauna:
goretsi eta ospatu gizaldietan.
Aintza Aitari eta Semeari,
eta Espiritu santuari.
Lehen
lez, orain eta beti,
eta amaibako egunetan. Amen.
Ant. Hartu eban Simeonek seina besoetan eta, eskerrak emonez, Jainkoa bedeinkatu eban.
3 Ant. Atzerriak argitzeko argia, eta zure herri Israelen edergarria.
150 Salmoa
Goretsi eizue Jauna bere
jauretxean,
Goretsi eizue bere zeru ospetsuan.
Goretsi eizue, Berak egin-lan handiakaitik,
Goretsi eizue bere handiaren handiagaitik.
Goretsi eizue turutaren
hotsez,
Goretsi eizue salterioz eta kitar-hotsez.
Goretsi eizue zaldabai eta dantzarekin,
Goretsi eizue zurda-soinu eta txistuarekin.
Goretsi eizue txilin
ozenekin,
Goretsi eizue txilin alaiekin.
Arnasa duen guztik Jauna beza goretsi.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Atzerriak argitzeko argia, eta zure herri Israelen edergarria.
Ml 3, 1
Begira,
hor bialtzen dot Nik nire mezularia nire aurretik, bidea prestatzera. Berehala
etorriko da santutegira zuek bila zabilzen Jauna, eta zuek irrikatzen dozuen alkarteko
mezularia.
R/. Jauretsi
Jauna, * apainduria deunez. Jauretsi.
V/. Emon ospe ta indar Jaunari.
Apainduria.
Aintza Aitari. Jauretsi.
Bened. ant. Gurasoek Jesus eroan ebenean, hartu eban Simeonek seina besoetan eta Jaungoikoa bedeinkatu eban.
Bedeinkatua Jauna, Israelgo Jainkoa
agertu eta bere herria askatu dauana;
salbazino indarra deusku emon,
bere morroi Dabiden etxean.
Halan eukan berbea emonda bere santuen bidez,
behinola bere profeta zituenen bidez;
salbazinoa gure etsaien menpetik,
gorroto deuskuen guztien eskutik.
Horrela egin deutse gure gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Gurasoek Jesus eroan ebenean, hartu eban Simeonek seina besoetan eta Jaungoikoa bedeinkatu eban.
Eskariak
Gurtu daigun, jauretxean aurkeztua izan zan gure Salbatzailea, eta eskatu deiogun:
Ikusi daiela, Jauna, gure begiek zure salbazinoa.
—Jesu Kristo, Legearen arabera jauretxean Aitari aurkeztua izan zinan Horrek, * erakutsi eiguzu zure Eleizaren oparian gure buruak Zeugaz batean eskeintzen.
—Israel-en poza zaran Hori, Simeon zintzoak jauretxean aurkitu zinduzan; * egizu, geuk ere aurkitu zaiguzala gure senideetan.
—Herri guztien itxaropena, Zutaz egin eutsen berba Ana profeteak Israelgo salbamenaren zain egozanei; * irakatsi eiguzu Zutaz egoki hitzegiten guztiei beti.
—Jainko-herriaren giltzarri ipinia eta eztabaida-gai bihurtua, * egizu, gizakiek Zeu izan zaiezela salbazino fedeaz eta maitasunaz.
(… isil unea, bakotxak bere eskaria egin ahal izan daian).
Gure Aita
zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko ahalguztidun betikoa,
zure Seme bakarra, gurea lako giza
izatez jantzirik,
aurkeztu eben gaurko egunez Jerusalemgo jauretxean;
egizu, Jaun handi horrek,
aurkeztu gaitezala geu ere bihotz-garbi zure aurrean.
Zure Seme Jesu Kristo gure Jaunaren bitartez,
Zurekin eta Espiritu Santuarekin batean
Jainko eta errege bizi da-ta gizaldi eta gizaldietan.
Amaierea
V/. Bedeinkatu gaizala Jainko
ahalguztidunak: Aitak eta Semeak eta Espiritu Santuak.
R/. Amen.
V/. Goazen Jaunaren bakean.
R/. Eskerrak Jainkoari.
